قدیم انسان

"20 لاکھ سال قبل مشرقی افریقہ کے سفر پر ممکنہ طور پر آپ کا سامنا انسانی خصوصیات رکھنے والی نوع سے ہو سکتا ہے۔اپنے بچوں کو دودھ پلاتیں اور کیچڑ میں کھیلتے لاپرواہ بچوں کو پکڑتی ہوئیں فکرمند مائیں، معاشرتی اقدار پہ ناک بھوں چڑھاتے ہوئے نوجوان، پریشان حال بوڑھے جو صرف سکون سے مرنا چاہتے ہیں،

مقامی حسیناؤں کو متاثر کرنے کی کوشش کرتے ہوئے شوخ مرد، ذہین بوڑھی عورتیں جو یہ سب پہلے ہی دیکھ چکی ہیں۔یہ قدیم انسان پیار کرتے تھے،کھیلتے تھے، گہری دوستیاں پالتے تھے اور شہرت اور طاقت کے بھوکے تھے.لیکن چمپینزی ، لنگور اور ہاتھی بھی ایسے ہی تھے۔

قدیم انسانوں میں کچھ بھی خاص نہیں تھا۔

کسی کو بھی بلکہ خود قدیم انسانوں نے بھی نہیں سوچا تھا کہ ایک دن ان کی اولاد چاند پر چہل قدمی کرے گی،ایٹم کو توڑے گی، جینیاتی کوڈ کو سمجھے گی اور تاریخی کتب لکھے گی۔قبلِ تاریخ کے انسانوں کے بارے میں یہ جاننا اہم ہے کہ وہ معمولی جانور تھے جن کا ماحول پہ اثر گوریلا، جگنو یا جیلی فش سے زیادہ نہیں تھا"